لەپشت کردەوەی "مناڵە گەیاکەرەگە" لاوردن وەرپرسیگ لە فڕۆکەخانەی نەجەف

شەفەق نیوز/ ئیدارەی فڕۆکەخانەی ناودەوڵەتی نەجەف، ئمڕوو سێشەممە، بڕیاردا یەکیگ لە وەرپرسەیلی لاوەێد، لەپشت ئەو دزەکردن دویایینە لەلایەن مناڵیگ گەیاکەر ئەرا ناو فڕۆکەخانەگە. 

سەرچەوەیگ لە فڕۆکەخانەگە ئەرا ئاژانس شەفەق نیوز وت: وەڕیەوبەر چەودیریکردن لە فڕۆکەخانەی نەجەف لەپشت ئەو پێشێلکاری ئەمنیە لە دزەکردن مناڵیگ گەیاکەر ئەرا ناو یەکیگ لە فڕۆکەیل لاوریا. 

سەرچەوەگە وتیش: ئەو مناڵە ک چیە ناو فڕۆکەخانەی نەجەف لەلای دەزگا ئەمنیەیلەی ناو فڕۆکەخانەگە گریایە، ودیاری کرد ک لێکوڵینەوەی فراوانیگ ئەرا زانستن هویردەکاریەیل رویداوەیگە هەس.  

وەرجەیە، سەرچەوەیگ ئەمنی لە پارێزگای نەجەف خەوەردا ک مناڵیگ هیشت فڕۆکەخانەی نەجەف بکەفێدە ئامادەباشی.