لە زیقار یەکەمین تویشهاتن وە تەو خوینوەربوین توومارکریا
شەفەق نیوز/ سەرچەوەیگ پزیشکی لە زیقار، ئمڕوو پەنجشەممە، خەوەردا تویشهاتن گەنجیگ وە بیماری تەو خوینوەربوین لە باشوور پارێزگاگە توومارکریا.
سەرچەوەگە وە ئاژانس شەفەق نیوز وت "گەنجەگە تەمەنی 25 ساڵانە لە ناحیەی عەکیکە باشوور شار ناسریه ناوەن پارێزگای زیقار تویشبویە، ئەرا تەواوکردن چارەسەرەگەی ئەرا سەنتەر کەرەنتینکردن کلکریاس".
سەرچەوەیگیش لەفەرمانگەی تەندروسی کەرکوک، شەوەکی ئمڕوو، وە ئاژانس شەفەق نیوز خەوەردا، یەکەمینحالەت مردن وە تەو خوینوەربوین لە پارێزگاگە توومارکیا، وتیش "بیمارەگە لەسەرەتا تەو بەرزیگ، و سەرژان و لەش ژان تونیگ داشتیە، وەرجە ئەوەگ حاڵەتەگەی بڕەسێدە خوینوەربوین ناوەکی و دەرەکی ئەرا باش چەودێری هویرد کلکریاس".
وتیس؛ ''گشت تەقەلا پزیشکییەل نەتوەنستیە ژیانی قورتار بکەێد، هیشت بوودە یەکەمین حالەت مردن وە ڤایرۆس تەو خوینوەربوین کۆنگۆ (CCHF) لە کەرکوک''.
