لە دوو پارێزگا.. کوشیان و زەخمداری ٨ کەس وە دوو رویداو جیاجیا یەکیگیان مناڵیگ مەوقەی دەرچگنی لە مەکتەو بویە
2023-01-26T10:34:21+00:00
شەفەق نیوز/ سەرچەوەیگ ئەمنی لە پارێزگای دیوانیە، ئمڕوو پەنجشەممە، خەوەردا لە کوشیان و زەخمداری ٧ کەس وە رویداو هاتوچو دڵتەزنیگ لەبان رییگ دەیشتەکی لە پارێزگاگە.
سەرچەوەگە ئەرا ئاژانس شەفەق نیوز وت: رویداویگ هاتوچو لەبان ری دیوانیە - سەنیە لەناوبەین ماشینیگ بارهەڵگر و ساڵۆن بویە هوکار کوشیان کەسیگ و زەخمداری شەش کەستر.
سەرچەوەگە دیاری کرد ک ماشینەیل فریاگوزاری و دەزگایل ئەمنی رەسینە شوین رویداوەگە و تەرمەگە رەساننە پزشک دادوەری و زەخمدارەیل ئەرا نزیکترین بنکەی تەندروسی بردن.
هەرلیوا، پارێزگای زیقار رویداو هاتوچو دڵتەزنیگ توومار کرد، مناڵیگ خوەنەوار لەلی بویە قوربانی.
سەرچەوەگە ئەرا ئاژانس شەفەق نیوز وت: خوەنەوار یاسر عامر وە رویداویگ هاتوچو گیانی لەدەسدا، دویای دەرچگنی لە مەکتەو وە خوەشی سەرکەفتنی، و لەولا ماشینیگ بارهەڵگەر قوم باری بویە هاتیەسە بانی و هەر لە وەردەم مەکتەوەگەی لە ناسریە تلانیەسەی، و گیانی لەدەسدا
