لە دوو پارێزگا...دەسگیرکردن 3 توومەتبار لەناویان ژنیگە وەتوومەت مادەی هووشبەر
پۆلیس فیدراڵی ئمڕوو لە بەیاننامەیگ راگەیان، هێزیگ لە فەوج سێیەم سەر وە لیوای شەش تیپ دویەم وە هاوبەشی وەرد مەفرەزەیل هەواڵگێری لیواگە توەنستنە 3 توومەتبار دەسگیربکەن کە ژنیگیش هاناویان لەناوچەی (کویچەی جیهاد) لە بەغداد، داواکریانە وە توومەت مادەی هووشبەر کیشان و بڵاوکردنی، 3 دەوانچە وەپیان گیریاس وەگەرد بڕیگ مادەی کریستال وەرد حەب هووشبەر و کەرەستەیل وەکارهاوردن و بڕیگ پویل.
وەپای بەیاننامەگە، توومەتبارەیل و مادەیل دەسوەبان گیریایگ ئەرا لایەن تایبەت کلکریانە ئەرا تەواوکردن رێکارەیل لێکۆڵینەوە و یاسایی لە وەرانوەریان.
هەمیش، دەسەی حەشد شەعبی لە بەیاننامەیگ راگەیان، مەفرەزەیل وەڕێوەبەرایەتی گشتی زانیاریەگان سەر وە نوێنەرایەتی هەواڵگێری و زانیاری دەسەی حەشد شەعبی لە پارێزگای موسەنا توەنستنە ئەندامیگ سەر وە "بزوتنەوەی مولویەت" دەسگیربکەن کە هەڵگر بڵاوکردن پەیامەیل بانگەشەی ئاینی لادریاگ بوی کە وەناو مەردم بڵاوکردیە.
ئاشکەرایکرد، رێکارەیل یاسایی وەرانوەری گیریایە تا سزای دادپەروەرانەی خوەی وەربگرێد.
