لە دیالە و میسان.. خوەیکوشتن گەنجیگ و کوشیان کەسیگ و دەسگیرکردن بکوشیگ
شەفەق نیوز/ سەرچەوەیگ ئەمنی لە دیالە، ئمڕوو چوارشەممە، خەوەردا لە خوەیکوشتن گەنجیگ وە گولە، و کوشیان گەنجیگ یر لەناو جەنگ چەقو، لە دوو رووداو جیاجیا لە پارێزگاگە، و پۆلیس میسان تۊینست توومەتباریگ وە تاوان کوشتن دەسگیر بکەێد.
سەرچەوەگە ئەرا ئاژانس شەفەق نیوز وت؛ ئمڕوو گەنجیگ لە گەڕەک شەرقیە لە درەوگرد قەزای خاڵس گولەی دەمانچە داگە سەر خوەی و خوەی کوشت.
سەرچەوەگە وتیش تەرم قوربانیەگە ک لە داڵگبۊی ١٩٩٧ ئە وەرەوە پزشک دادوەری بریا، و دەسەڵاتە ئەمنییەیلە لێکۆڵینەوە لە رووداوەگە واز کردن.
هەمیش لە دیالە؛ سەرچەوەگە ئەرا ئاژانس شەفەق نیوز وت: گەنجیگ لەناو جەنگیگ وە چەقو لە نزیک نافورەی جەلەولا کوشێا.
لە میسان، پۆلیس پارێزگاگە لە بەیاننامەیگ وت خ مەفرەزەیل هەواڵگری میسان، وە بەشداریکردن سریەی سوات، تۊینست توومەتبار (م، م ، س) ک وەگورەی مادەی ٤٠٦ لە یاسای سزادان عراق داواکریاگە، ئەوەیش لە ناوچەی غەدر لە شار عەمارە.
