لە دیالە.. دوێەتیگ خوەی ئاگر دەێد

شەفەق نیوز/  سەرچەوەیگ مەدەنی لە پارێزگای دیالە، ئمڕوو یەکشەممە، خەوەردا لە خوەیکوشتن دوێەتیگ لە تەمەن بیست ساڵان وە ئاکرداین خوەی، لە ناحیەی عزێم.

سەرچەوەگە ئەرا ئاژانس شەفەق نیوز وت: دوێەتیگ بیس ساڵانە لەناو ماڵەگەی خوەی لە دەورگرد ناحیەی عزێم ئاگر خوەی دا.

سەرچەوەگە وتیش؛ هووکارەیل رووداوەگە نادیارن، و دەسەڵاتە ئەمنیەگان لێکۆڵینەوەیگ ئەرا ئاشکراکردن ووردەکاریەیل رووداوەگە کردنەو.

وەگورەی ئامارە فەرمیەگان، دیالە لەی ساڵە زیاتر لە ٤٠ خوەیکوشتن وەخوەی دیە، و فرەیان لە ناو گەنجەگانە، لەوەر کاریگەریە خراوەگان لەبان ماڵپەڕەیل پەیوەندیە کۆمەڵایەتیەگان یا گرفتەیلیگ دەروینی.