لە ئامار نوویگ... خەسخانەیل بەغدا پیشوازی لە 1500 تۊشهاتن خنکیان کردن
شەفەق نیوز/ فەرمانگەی تەندروسی بەغدا رەسافە، ئمڕوو جومعە، راگەیان پیشوازی کردنە لە زیاتر 1500 تۊشهاتن خنکیان مردنیگیش ها لەناو خەسخانەگە لەئەنجام گەردەلۊلیگ لە خوەڵ ک دایە لە بەغدای پایتەخت لە دۊیەشەو پەنجشەممە.
وەڕێەوبەر گشتی تەندروسی بەغدا رەسافە عەلا کازم محەمداوی لە بەیاننامیگ رەسیە ئاژانس شەفەق نیوز وت: " بەش فریاکەفتن خەسخانەیل رەسافە دۊکە پیشوازی کردن زیاتر لە 1536 تۊشهاتن خنکیان وە گەردەلۊل خوەڵین"، دیاریکرد: " تۊشهاتنەیل خنکیان بەش بۊنە وەبان خەسخانەی شێخ زاید 330 کەس و خەسخانەی زەعفرانییە 125 و خەسخانەی شەهید سەدر 445 و خەسخانەی مناڵەیل عەلویە 39 و خەسخانەی مەدائن 4 و خەسخانەی کیندی 36 و خەسخانەی ئیمام عەلی 170 و خەسخانەی نوعمان57 و خەسخانەی فاتمە زەهرا 5 و خەسخانەی ئبن بەلەدی 25 و خەسخانەی زاری فەیاز 300 ".
وتیش: " 1506 لە پسای خنکیانەیل لە خەسخانە دەرچگنە دۊای وەرگردن چارەسەری لە فریاکەفتن خەسخانەیل و چەودێری هۊرد و تا ئیسە 29 کەس لە خەسخانیەیلە مەننە لەوەر سەختی تەندروسیان وە چەودێری خوازن".
محەمداوی وتیش ؛" خەسخانەیل یەک مردن توومارکردنە لە خەسخانەی کیندی بیمارەگە لە تەندروسی فرە خەراویگ بۊە یەیش بۊە هووکار مردنی".
