لە ٤ پارێزگا.. ئاسایش عراق نزیکەی ٥٠ توومەتبار لە کۆمەڵەی (قوربان) دەسگیر کەێد

دەزگاگە لە بەیاننامەیگ رەسیە ئاژانس شەفەق نیوز وت: لە وەردەوامی بزووتنەوەیل سلوکی لەڕیدەرچگ وەلایەن دەزگای ئاسایش نیشتمانی، وەتایبەت بزووتنەوەی قوربان، و لە بنەمای زانیاری هەواڵگری هویرد، و خەسەوکردن تەقەلای هونەری ت مەیدانی، مەفرەزەیلمان توەنستن ٢٠ توومەتبار لەو بزووتنەوە دەسگیر بکەنر و لەناویان ئەوەگ وەپی ئویشن(العارف).

وتیش: هەمیش توەنستن لە پارێزگای زیقار و واست و میسان ٢٧ توومەتبار لایەنگر بزووتنەوەگە دەسگیر بکەن، وتیش: گشتیان دریانە دەس لایەنەیل پەیوەندیدار.

لە سەرەتای مانگ تەمووز گوزەشتە، ئاسایش نیشتمانی راگەیان کە ئاشکرای کۆمەڵەی قوربان کردنە کە هەمیش ناو (عەلیلڵاهی) وەخوەیان نەن، کە کەسەیلی پرۆپاگەندە ئەرا هویرەیل لەڕیدەرچگ کەن، و تیرە کیشن و ئەوەگ ناوی دەرچوود خوەی دەێدە سێدارە.