لە 3 پارێزگای عراق.. مردن دوو کەس و زەخمداریبوین 9 کەس ترەک وە رویداو هاتوچو و پەلامار چەکداری
سەرچەوەگە وە ئاژانس شەفەق نیوز خەوەردا، "لە خەسخانەی کەرکوک چارەسەر ئەرا کەسیگ وە ناو (س.ی.س) کریا کە دانشتگ کویچەی عروبەس لەناوڕاس کەرکوک، وە سێ گولە قول راسی زەخمدارکریا، مەوقەی رەساننیتویش خوینوەربوین و شکیان سوخان قول بویە".
سەرچەوەگە وتیش "زەخمدارەگە وە سێ گولە لە چەگ کلاشینکۆف لە قول راسی تەقەکریاگە وەلایەن دوو برای لاوەر وردەوردەی خێزانی" وتیش "فەرمان دەسگیرکردن ئەرا ئەو وو برایە دەرچگە کە لەدویای پەلامارداین براگەیان ئەرا شوین نادیاریگ واینە".
سەرچەوەیگ ترەک وتیش، دوو کەس مردیە و 8 کەسیش زەخمداربوینە وە رویداو هاتوچوییگ کە شەوەکی ئمڕوو لە پارێزگای بابل و واست رویدایە.
ئاژانس شەفەق نیوز لەباوەت هویردەکاری وت، "رویداویگ لەبان ری حلە ـ بەغداد رویدایە، وەرنوەر ئاوای (ئەلبو عەلوان) باکوور پارێزگای بابل، لە ئەنجام لەیەکەوداین 4 ماشین".
وتیش، "لە ئەنجام رویداوەگە دوو کەس مرد و 5 کەسیش لە سەرنشینەیل ناو چوار ماشینەگە زەخمداربوین".
لە رویداویگ ترەک، سەرچەوەگە ئاشکەرایکرد، "رویداویگ هاتوچوی لەبان ری نوعمانیە لە پارێزگای واست رویدا، لە ئەنجام 3 کەس وە سەختی زەخمداربوین".
