كوشيان کەسیگ و زەخمداری ٩ کەس ترەک لە دوو رویداو هاتوچو و جەنگیگ لە باشوور عراق
2024-08-02T13:36:22+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو جمعە، خەوەردا لە کوشیان کەسیگ و زەخمداری نۆ کەس ترەک لە ئەنجام دوو رویداو هاتوچو، و جەنگ سەختیگ باکوور پارێزگاگە.
سەرچەوەگە ئەرا ئاژانس شەفەق نیوز وت: دوو رویداو هاتوچو لە ناسریە و قەلعەت سوکەر بوینە هوکار کوشیان کەسیگ و زەخمداری دوو کەس ترک.
وتیش: جەنگ گەورەیگ وە چەقوو لە قەزای قەلعەت سوکەر کەفتە ناوەین دوو لایەن لەبان ناکۆکییگ، رەسیە کەفتن ٧ زەخمدار بەشیگیان زەخمییان سەختە، وتیش: هیزەیل ئەمنی رەسینە شوینەگە، و چەک و ماشین لەلییان بردن، و چەن کەسیگ دەسگیر کردن.
