كازمی وەرەو کوەیت

شەفەق نیوز/ موستەفا کازمی سەرۆک ئەنجومەن وەزیرەیل، شەوەکی ئمڕوو یەکشەممە، وەیاوەری شاندیگ پایەبەرز، رەسیە دەوڵەت کوەیت.

کازمی وەرجە دەرچگنی لەبەیانامەیگ وت: ئی سەردانە لە تەقەلایل حکومەت تیەێد ئەرا بتەوکردن هاوکاری و پەیوەندیەیل دووانی وەگەرد جووراجور دەوڵەتەیل، و لەلیان دەوڵەت کوەیت.

و دیاری کرد ک ئەوەسا سەردانەگەی باس لە چەن باوەتیگ ئابووری، و سیاسی، و وزە، و بەرهەمهاوردن، و باوەتەیلیگ تر کەێد، و بتەوکردنیان وەو شیوەگ خزمەت بەرژەوەنی هەردوگ گەلە براگە بکەن.

کازمی وتیش؛ عراق هالە چەوەڕی هەڵبژاردن وەرجەوەخت، و حکومەتەگە پابەندە و رکدارە لەبان ئەنجامدانی لە مەوقەی بڕیاردریاگ خوەی لە کەی تەشرین یەکەم ٢٠١١، و گشت ریکارەیلە ئەرا  هەڵبژاردن دەسپاک و کەشوهەوایل جونجیاگ ئامادە کردگە، تا بوودە یەکیگ لە خاسترین رەفتارەیل دیموکراتی لە وڵاتەگە.