كەشوهەوای نا ئارامیگ لەی هەفتە لە عراق و پەڵەی ئەور لە دووشەممە دەسوەپی کەێد
2023-01-28T10:47:03+00:00
شەفەق نیوز/ شارەزای کەشناسی عەلی جابر زیادی، مەزەنەی کەشوهەوای نائارامیگ لە وڵاتەگە کرد، ک ئمڕوو شەممە دەسوەپی کەێد، و تا کۆتایی هەفتەگە وەردەوامە، و لە دوو سوو دووشەممە ئەوەرگە پەڵە دەێد و لە چەن ناوچەیگ وارێد، و داوەزین پلەی گەرمی فرەیگ ودەویر زانست.
زیادی ئەرا ئاژانس شەفەق نیوز وت: کەشوهەوای نا ئارام لە ئمڕووەو دەسوەپی کەێد، و مەزەنە کریاگە لە ناوچەیلیگ جیاجیا لە باکوور وڵاتەگە واران سووکیگ تا ناوڕاسیگ بوارێد.
زیادی وتیش: شەوەکی سوو یەکشەممە، مەزەنە هەس شارەیل باشوور و ناوڕاس دویر لە واران بوون.
زیادی وتیش: مەزەنە کریاگە وڵاتەگە بکەفێدە وارانیگ ناوڕاسێ لە شەفەق رووژ دووشەممە و تا شەوەکی چوارشەممە وەردەوام بوود.
دیاری کرد ک وارانەگە لە چەن ناوچەیگ لە ناوڕاس تا سووک بوود، و لە چەن شوینیگ کەم بوود، و هاتێ لە شوینەیل کەمیگ وارانەگە رفت بوود، وەتایبەت لە بەشەیل باکوور و خوەرھەڵات.
لەباوەت پلەی گەرمی، زیادی وتیش: کەمیگ وەرجە کۆتایی هەفتەگە داوەزێد، وەلی شەپوول سەردی سەختیگ دویرە، باوجی لە رووژەیل چوارشەممە و پەنجشەممە وەشیوەیگ وەختانە تا سێ پلە داوەزێد.
