قوربانی و زەخمدار لە پۆلیس فیدڕاڵی و پەلامار داعش لە کەرکوک

شەفەق نیوز/ سەرچەوەیگ ئەمنی وەرپرس، ئمڕوو یەکشەممە، خەوەردا لە کەفتن قوربانیەیل و زەخمدارەیلیگ لە هێزەیل پۆلیس فیدڕاڵی وە پەلاماریگ لەلایەن ریخریاگ داعش لە باشوور خوەرائاوای کەرکوک.

سەرچەوەگە ئەرا ئاژانس شەفەق نیوز وت: ئەندامەیل ریخریاگ داعش پەلامار لیوای ١٩ لە پۆلیس فیدڕاڵی لە ئاوای تەل ستیح  سەروە ناحیەی رەشاد لە کەرکوک دان.

وەگورەی سەرچەوەگە؛ هەفت ئەندام لە پۆلیس فیدڕاڵی بوینە قوربانی و چەن کەسیگ تر لەلیان زەخمدار بوی.

سەرچەوەگە دیاری کرد ک ریەگە وەرەو ئەو ئاوایە وەگشتی بومب دانریاگە و هێزەیل پاڵپشتی بان زەوی توانای رەسین وەپیان نەیرن، وتیش هیمان پەلامارەگە وەردەوامە.