فرووشەیل هەواڵەی بانک ناوەندی عراق وە ریژەی 96% بەرزەو بوود
پەیامنێر ئاژانس شەفەق نیوز وت: ئمڕوو بانک ناوەندی عراق لە زیایکردن ئاشکرای بڕ ٢٨٠ ملیۆن و ٧٧٥ هەزار و ٥٦٥ دۆلار فرووشت، کە وە نرخیگ بنەڕەتی ١٣١٠ دینار ئەرا هەر دۆلاریگ ئەرا کرێدیت دۆکیۆمێنتاری و یەکلاکردن ناودەوڵەتی ئەرا کارت ئەلیکترۆنی، و وە نرخ 1310 دینار ئەرا هەر دۆلاریگ ئەرا هەواڵەی دەرەکی، و وە نرخ 1,305 دینار ئەرا هەر دۆلاریگ وە کاش.
وتیش:: فرەی فرووش دۆلار ئەرا قایمکردن باڵانسەیل دەیشت وڵات وەشیوەی هەواڵە و قەرزکردن بویە، کە بڕی ٢٦٨ ملیۆن و ١٢٥ هەزار و ٥٦٥ دۆلار بویە، کە وەڕیژەی ٩٦% زیادیکردگە وەچەو فرووش نەختینەیی کە بڕی ١٢ ملیۆن و ٦٥٠ هەزار دۆلار بویە.
پەیامنێرمان وتیش: شمارەی ئەو بانکەیلە کە دۆلار کاش سەننە رەسیە یەک بانک، و شمارەی ئەو بانکەیلە کە وەڵام داواکارییەیل بەرزکردن باڵانسەیل دانەسەو لە دەیشت وڵات رەسیەسە ١٥ بانک، و بڕ گشتی کۆمپانیایل ئاڵوگۆڕی و دەڵاڵی کە بەشداری لە زیایکردنەگە کردنە رەسیە ١٦ کۆمپانیا.
