فرۆکەی عراقی لە کەرکوک گورزەیلیگ لەبان داعش وەشنێد...ڤیدیۆ
2023-09-19T07:47:49+00:00
شەفەق نیوز/ فرۆکەیل F16ی عراقی، ئمڕوو سێشەممە، گورزەیلیگ "سەرکەفتیانە" ئەرا حەشارگەیل داعش لە دووڵ زەغیتوون لە کەرکوک وەشنێد، وەپای فەرماندەیی ئۆپراسیۆنەیل هاوبەش.
فەرماندەیەگە لە بەیاننامەیگ رەسیە ئاژانس شەفەق نیوز وت، " بازەگان هێز ئاسمانی قارەمانەیل f16 ئمڕوو گورزەیلیگ سەرکەفتیانە وشاننە دژ حەشارگەیل داعش لە دووڵ زەغیتون / ناوچەی ئۆپراسیۆن کەرکوک وەپای زانیاریەیل هویردیگ و وەدویاچگن وەلایەن وەریوبەرایەتی هەواڵگێری سەربازی و هەماهەنگی و هاوکاری و نەخشەدانان ئەرا شانەی وە ئامانج دانریاگ / فەرماندەیی ئۆپراسیۆنەیل هاوبەش زەرد گەپیگ وە حەشارگەیل دوژمنەیل لە دووڵ زەغیتون رەسان".
