فرۆکە جەنگیەیل عراقی مەفرەزەیگ سەر وە داعش لەناودەن وە گورزەیل ئاسمانی
2024-08-22T09:57:10+00:00
شەفەق نیوز/ وەڕێوەبەرایەتی هەواڵگێری سەربازی، ئمڕوو پەنجشەممە، خەوەردا فرۆکە جەنگیەیل عراقی وە گوزەیل ئاسمانیان مەفرەزەیگ رێکخریاگ داعش لە پارێزگای دیالە کردنە ئامانج.
وەڕێوەبەرایەتیەگە ئمڕوو لە بەیاننامەیگ راگەیان، فرۆکەیل F16 ساعەت 7:00 شەوەکی وە گورزەیگ ئاسمانی سەرکەفتی وەبان شانەیل تیرۆرستەیل ئەنجامدان لە زنجیرە کویەی حەمرین لە چوارچمگ سنوور ئۆپراسیۆنەیل دیالە.
وەپای بەیاننامەگە، گورزەیل بویە هووکار کوشتن مەفرەزەیگ تیرۆرستی ویرانکردن حەشارگەیگیان وەگەرد ئەممار سزەمەنی و کەرەستەیل لۆجستیکی.
زانیاریەیل دیاریکەن،ئێ زیایکردنە خاڵ ئامادابوین و جمویلیان بویە ئەرا پالپشتی لۆجستی پێشکەش کردن وە ئەندامەیل رێکخریاگی داعش وەکارهاوریایە، وەپای بەیاننامەگە.
