فڕۆکەیل عراق ١٠ داعشی کەنە ئامانج و دوو ئەندام ناودیاریان گریەێد یەکیگیان ئەمیرە
2022-12-28T15:08:33+00:00
شەفەق نیوز/ فڕۆکەیل جەنگی عراق، ئمڕوو چوارشەممە، گورزەیلیگ ئاسمانی ئەرا دوو شوین لە پارێزگای دیالە وەشانن ک بڕیگ لە ئەندامەیل داعش لەناوی خوەیان شارنەو.
شانەی راگەیانن ئەمنی لە بەیاننامەیگ وت: دوو حەشارگە لە ناوچەی نارین رەوانگە کریان لە کەرت ئۆپراسیۆنەیل دیالە، نزیکەی ١٠ تیرۆرست هاناویان.
بەیاننامەگە وتیش: فڕۆکەیل F_16 لە فەرماندەیی هیز ئاسمانی وەگورەی ئی زانیاریەیلە توەنستن ئی دوو حەشارگە بکەنە ئامانج، و وەتەواوی لەلای سەر تیرۆرستەیل خاپووریان کردن.
هەرلیوا، دەزگای دژەتیرۆر لە بەیاننامەیگ وت: وە هەماهەنگی بەرزیگ وەگەرد وەڕیەوبەرایەتی گشتی دژە تیرۆر هەولێر، وەردەوامە لە ئۆپراسیۆنەیل چینەیی ئەرا وەشوینکەفتن چەتەیل ریخریاگ داعش، ک توەنست ئەندامەیل ناودیاریگ لە ویلایەت باکوور بەغداد و ویلایەت ئەنبار دەسگیر بکەێد ک هەر لە (هـ د م ) زەنازناو ئەبو ئەحمەد جومەیلی کار ئەمنی کەرت کەێد، و(ع ر م ) وەنازناو ئەبو حسێن مرعاوي کار ئەمیر سەربازی لە ناوچەی حۆز کەرت جزيرەی رەمادي کەێد.
