فەرمانبەریگ حکومەتی لە دیالە خوەی دەێدە سێدارە
2020-11-14T13:16:23+00:00
شەفەق نیوز/ سەرچەوەیگ خۆجێیی لە دیالە، ئمڕوو شەممە، خەوەردا لە خوەیکوشتن مەدەنیگ وە سێدارە داین لە ناحیەیگ لە باشوور خوەرائاوای بەعقوبە.
سەرچەوەگە ئەرا ئاژانس شەفەق نیوز وت: فەرمانبەریگ چل ساڵان، لە فەرمانگەی ئاوەڕۆی ناحیەی بەنی سەعد کار کەێد، لە ژوورەگەی خوەی دینەوەی وەسێدارە دریاگە، لە رەوشەیل نادیاریگ.
وتیش: تا ئیسە هووکارەیل خوەیکوشتنەگە ئاشکرا نەوینە، و دەسەڵاتە ئەمنیەگان ئەرا ئاشکراکردن ووردەکاریەیل رووداوەگە لێکۆڵینەوەیگ کردنەو.
وەرجەیە، رێکخراویگ مەدەنی لە دیالە ئەرا ئاژانس شەفەق نیوز دووپاتکرد لە تۆمارکردن زیاتر لە ٢٠ هەوڵدان و خوەیکوشتن لە دیالە، لە ماوەی ئی ساڵە لەوەر هووکارەیلیگ جوورا جور.
