عراق چەوەڕی واران کەێد.. کەشوهەوای وڵاتەگە لەی چوار رووژ بانانە
دەسەگە لە بەیاننامەیگ رەسیە ئاژانس شەفەق نیوز وت: سوو سێشەممە، کەشوهەوا لە ناوچەی ناوڕاس ئەورە وەگەرد نمە وارانیگ لە شوینەیلیگ جیاجیا، و لە ناوچەی باکوور باکوور ئەورە وەگەرد واران سووکیگ، و لە ناوچەی باشوور نیمچە ئەورە، و پلەی گەرمی کەمیگ بەرزەو بوود.
وتیش: رووژ چوارشەممە، لە ناوچەی ناوڕاس ئەورە وەگەرد واران وارین، و پلەی گەرمی چەن پلەیگ نزمەو بوود، و لە ناوچەی باکوور ئەورە وەگەرد واران، و لە ناوچەی باشوور هەمیش ئەور و وارانە، و پلەی گەرمی چەن پلەیگ نزمەو بوود.
دیاری کرد کە رووژ پەنجشەممە، لە ناوچەی ناوڕاس رووشنە وەگەرد لەکە ئەوریگ و پلەی گەرمی نزیک رووژ وەرجە خوەیە، و لە ناوچەی باکوور و باشوور پلەی گەرمی کەمیگ بەرزەو بوود.
دەسەگە وتیش: رووژ جمعەی ئایندە، کەشوهەوا لە ناوچەی ناوڕاس رووشنە و پلەی گەرمی نزیک رووژ وەرجە خوەیە، و لە ناوچەی باکوور و باشوور رووشنە و پلەی گەرمی نزیک رووژ وەرجە خوەیە.
