عراق وەماوەی سێ ساڵ دوو هەزار خوەیکوشتن و تەقەلای خوەیکوشتن توومار کەێد

غەراوی لە بەیاننامەیگ وت: لەی سێ ساڵ دویاییە زیاتر لە 2000 خوەیکوشتن و تەقەلای خوەیکوشتن توومار کریا، کە لە ساڵ 2022، 1073 خوەیکوشتن و تەقەلای خوەیکوشتن توومار کریا، و لە ساڵ 2023 رەسیە 700، کە لە شەش مانگ یەکەم لە ساڵ 2024 شمارەگە رەسیە 300.

وتیش: ساڵەیل 2016 _ 2021 شمارەگە رەسیە (3063 ) خوەیکوشتن و تەقەلای خوەیکوشتن، کە لە ساڵ 2016 شمارەگە رەسیە 343، و لە  2017 رەسیە 449، و لە 2018 رەسیە 519، و لە 2019 رەسیە 588 و له 2020 رەسیە 644 و لە ساڵ 2021 رەسیە 863 خوەیکوشتن و تەقەلای خوەیکوشتن.

غەراوی وتیش: خوەیکوشتن دیاردەیگ جەهانیە بویە هوکار کوشیان 800 هەزار کەس ساڵانە، وە ریژەی کەس هەر 40 چرکە، و چوارەمین هوکار مردن جەهانیە ئەرا ئەو کەسەیلە کە تەمەنیان ناوەین 10 - 29 ساڵە، وەگورەی راپۆرتەیل ریخریاگ تەندروسی جەهانی.

دیاری کرد کە زیاتر شیوەی خوەیک وەسێدارەدانە و سزیانە و وەکارهاوردن چەک و گولە، وەگەرد خنکیان و ژهرخوەری.

دووپات کرد کە وەگورەی ئامارەیل ئەنجومەن دادوەری و وەزارەت تەندروسی و وەزارەت ناوخۆ، 43% لەلیان لەوەر مدووەیل دەروینی خوەیان کوشن، 35%یان وە مدووەیل خیزانی، 15% لەلیان وە مدووەیل ئابووری، 8%یش لەوەر مدووەیل ترەک.