عراق و ئیران و سوریا وەشیوەی پراکتیکی گام نەن ئەرا کۆنترۆڵکردن شەپوول خوەڵ و تووز

شەفەق نیوز/ جیگیر سەرۆک کۆمار و سەرۆک رێکخریاگ پارێزگاریکزدن لە ژینگەی ئیران عەلی سەلاجقە راگەیان، لە ماوەی مانگ تەشرین یەکەم، پسپۆرەیل لەمابەین ئیران و عراق و سووریا ئاڵشت کریەێد  ئەرا گفتوگوکردن لەباوەت کۆنترۆڵکردن شەپوول خوەڵ و تووز و دەسکەنە کارەیل مەیدانیانەیان ئەر چارەسەرکردنی.

میدیایەل فەرمی  راگەیانن ئیران لە زوانی سەلاجقە راگەیانن، رێکارەیل خاسیگ وەرگردنە لەی مژارە لەناو وڵاتەگە، لیژنەیگ دیاری کریاگە لە ناو رێکخریاگ ژینگە " رویوەروبوینەوەی شەپوول خوەڵوارین"، لە کووبوینەوەیل جوراوجوریان پلان 10 ساڵ کۆنترۆڵکردنی دانانە دویای ئەوەگ رادەس لایەنەیل  تایبەت وە ئەو مژارە کەن جویر وەزارەت وزە  و کشاوەرزی و نەفت و پیشەسازی و ناوخوەیی ئەرا مەیدانیکردن کارەگە.

لە چوارچمگ بەرنامە دەرەکیەگان ک هەڵسوکەوت وەگەرد خوەڵ و شەپوول خوەڵوتووز کەێد وەرپرسیگ ئیرانی وت، " 270 ملیۆن هکتار لە سەرچەوەی دەرەکی دیاریکریاگە ئەرا رویدان شەپوول خوەڵوارین لە وڵاتەیل دەوروگەرد ک کاریگەری وەبان وڵاتەگەمان دیرێد، ئەرا مامەڵەکردن وەگەردیا دەسکردیمنەس وە چالاکیەل دبلۆماسی".