عراق و بانك ناوده‌وڵه‌تى ريككه‌فتنيگ ئمزا كردن
شه‌فه‌ق نيوز/ عراق وه‌ل بانك ناوده‌وڵه‌تى ريككه‌فتنيگ قه‌رز وه بڕ 200 مليۆن دۆلار ئمزا كرد ئه‌را پيشخستنى كه‌رت كاره‌با له پاريزگايه‌يل باشوور
له‌و باوه‌ته‌و، نويسينگه‌ى فوئاد حسێن وه‌زيرى دارايى عراق ك له هه‌مان وه‌خت جيگر سه‌رۆك وه‌زيره‌يليشه ئه‌را كاروبار ئابوورى له به‌ياننامه‌يگ وت: ريككه‌فتن پرووژه‌ى پيشخستن سيسته‌م كاره‌با له پاريزگايه‌يل باشوور عراق وه‌ل يارا سالم نوێنه‌ر بانك ناوده‌وڵه‌تى واژۆ كرياگه.
به‌ياننامه‌گه يه‌يش ده‌رخست ك ئى پرووژه كار ئه‌را زيايكردن هيز و وه‌زه‌ى كاره‌با و ريكخستنى ئه‌كا بيجگه دوباره بنياتنانه‌وه‌و دروسكردنه‌وه‌ى هێڵه‌يل جيوازكردن وزه‌و دابه‌شكردن و داناين هێڵ تازه ئه‌را په‌ره‌داين وه تواناى تووڕ كاره‌با و ره‌سينى وه هاووڵاتيه‌يل و باس له‌وه‌يش كرد ئى پرووژه خزمه‌ت وه پاريزگايه‌يل به‌سره‌و موسه‌ناو زيقار و ميسان ئه‌كا.
