عراق پەنجەمینە لە سەنین موڵک لە تورکیا لەماوەی مانگ ئازار

شەفەق نیوز/ دەسەی ئامار تورکیا، ئمڕوو پەنجشەممە، راگەیان عراقیەیل پلەی پەنجەمینن لەناوەین ئەو وڵاتەیلە زیاترین موڵک لە تورکیا سەننە لەماوەی مانگ ئازار وەرین.

 وەپای راپۆرتیگ ئاژانس شەفەق نیوز دیەسێ، لە ماوەی مانگ ئازار گوزەشتە فروش ماڵ لە تورکیا وە رێژەی  5.1% بەرزەوبوی وە بەراورد وە هەمان مانگ لە ساڵ گوزەشتە، کە بڕ گشتی فروشتن ماڵ رەسیە 110,705.

وەبان بەرزەوبوینەگە، راپۆرتەگە دیاریکەێد فروشتن ماڵ وە بیانیەیل وە رێژەی 11.5% داوەزیایە لەماوەی ئەو مانگە 1,475 فروشیایە بەرورد وە ساڵ وەرین.

 روسیا ها لە لوتکەی ئەو وڵاتەیلە زیاترین موڵک لە تورکیا سەننە لەماوەی مانگ ئازار وە سەنین 275 ماڵ، لەدویای ئیرانیەیل وە پلەی دویەم تێن وە 153 ماڵ، و ئۆکرانیەیل وە سێیەم تێن وە سەنین 124 ماڵ.

ئەڵمانیا چوارەمە وە 97 ماڵ و عراق پلەی پەنجەم وەدەس هاوردیە وە سەنین 72 ماڵ، لە داتایەیل داوەزیان عراقیەیل دەرخەێد بەراورد وە  گوزەشتە.

دوارە دیاریکرد، عراقیەیل لە ساڵ 2015 لە لوتکەی سەنین ماڵ بوین لە تورکیا، لە سەرەتای ساڵ 2021 رزبەنیان ئەرا دویەم داوەزیا لەدویای ئیرانیەیل وەرجە ئەوەگ ئەرا پلەی سێیەم داوەزێد لە مانگ نیسان ساڵ 2022 وە مدوو کۆنترۆلکردن تەواوی روسیەیل وەبان بازاڕ موڵک تورکیا.