عراقیش هاناویان.. داەوڵەتەیلیگ عەرەوی هانە شوون ئیماڕات لە رێککەفتن وەگەرد ئیسڕائیل

شەفەق نیوز/ رێککەفتنیگ ''مێژووی'' ئەرا ئاشتی دۆناڵد تڕامپ سەرۆک ئەمریکا، پەنجشەممە، رایگەیاند ناوبەین ئیماڕات و ئیسڕائیل، و وت؛ ئەیە گامیگە ریەگە ئامادەکەێد ئەرا گامەیلیگ هاوشیوە دەوڵەتەیل عەوەروی و ئیسلامی لە ئایندە وەپیا بچن.
رێککەفتنەگە و وەناو ''رێککەفتن ئیبڕاهیم'' ئەوەسا ناسریەێد، خوەی یەکەمە لەی چینە، دویای واژوو کردن ئیسڕائیل و ئوردن ئەرا پەیمان ئاشتی لە ساڵ ١٩٩٤ ، و لە زاقترین تەوەرەگانی رەزامەنی ئیسڕائیل لە وڵاوەکردن دەسەڵاتەگانی لە ناوچەیل کناراو خوەرئاوایی.
چەودیرەیلیگ دوینن ئی گام ئیماڕاتیە هان ژمارەیگ لە دەوڵەتەیل ناوچەگە دەێد تا بکفنە شوون ئەبوزەبی و رێککەفتن وەیجوورە وەگەرد ئیسڕائیل بکەن لە ئایندەی نزیک.
ریچارد گۆلدبیرگ گەورای راوێژکارەیل لە دامەزراو وەرگری لە دیموکڕاتیەگان وت: دەوڵەتەیل بەحرەین و عومان و سعودیە، و شایەت رووژیگ لە رووژان عراقیش، وەرەو ئاشتی چن وەگەرد ئیسڕائیل.