عراق 185 خێزان "داعشی" وەرگرێد لە کامپ هۆل سوری

دوبەردانی لە بەیانیگ وە ئاژانس شەفەق نیوز وت، "کامپ جەدعە لە ناحیەی گەیارە باشوور موسڵ 185 خێزان لە کەسوکارەل داعش وەرگرد لە چوارچمگ 15هەمین چین "وتیش "حکومەت عراق لە کامپ سووری هۆل وەریانگردیە".

وتیش ئەو خێزانەیلە،" لەرێ دەروازەی رەبیعە وەناو عراق هاتنە لەرێ دەزگای ئەمنی و هەواڵگێری وشکنین ئەمنی ئەرایان کریایە، و دویای لەری بارهەڵگر ئەرا ناوەن چاکسازی لە جەدعە بریانە".

عراق تەقەلا دەێد کامپ هۆل لە سووریا بوەسێد کە دەیان هەزار ژن و مناڵ چەکدارەیل رێکخریاگ داعش لەخوەیەوگردیە، هەمیش وەگەرد ئەندامەیل توونڕەو رێکخریاگەگە، وە ئامانج سنووردارکدن مەترسی هەڕەشەیل چەکداری لەری سنووری وەرد سوریا.