کەشوهەوای عراق.. واران لە باکوور و خوەڵوتووز لە ناوڕاس و باشوور
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو یەکشەممە، رووشنە تا نیمچە ئەوریگ لە ناوچەی ناوڕاس و باشوور، و لە ناوچەی باکوور نیمچە ئەورە تا ئەور تەواوە وەگەرد دەرفەت واران لە بەشەیل خوەرهوەڵاتی، و پلەی گەرمی لە ناوچەی باکوور و باشوور جیگیرە، و لە ناوچەی ناوڕاس کەمیگ نزمەو بوود.
وتیش: رووژ دووشەممە، لە ناوچەی ناوڕاس و باشوور رووشنە تا نیمچە ئەورە، و لە ناوچەی باکوور نیمچە ئەورە تا ئەور تەواوە، وەگەرد دەرفەت واران لە بەشەیل خوەرهەڵاتی، و پلەی گەرمی لە گشت ناوچەیل وڵاتەگە کەمیگ نزمەو بوود.
دیاری کرد کە رووژ سێشەممە، لە ناوچەی ناوڕاس و باشوور رووشنە تا نیمچە ئەورە، و لە ناوچەی باکوور نیمچە ئەورە تا ئەور تەواوە، وەگەرد دەرفەت واران لە بەشەیل خوەرهەڵاتی، و پلەی گەرمی لە گشت ناوچەیل وڵاتەگە کەمیگ نزمەو بوود.
دەسەگە وتیش: کەشوهەوای وڵاتەگە ئەرا رووژ چوارشەممەی ئایندە، وەگشتی رووشنە تا نیمچە ئەورە، و پلەی گەرمی لە ناوچەی باشوور کەمیگ بەرزەو بوود، و لە ناوچەی ناوڕاس و باکوور جویر خوەی مینێد.
