کەشوهەوای عراق لەی هەفتە.. داوەزیان پلەی گەرمی
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای ئمڕوو شەممە، لە ناوچەی ناوڕاس و باشوور رووشنە وەگەرد لەکە ئەوریگ، و لە ناوچەی باکوور رووشنە تا نیمچە ئەورە، و پلەی گەرمی لە گشت وڵاتەگە نزیک رووژ وەرجە خوەیە، و دیاری کرد کە پلەی گەرمی مەزن لەبەغدا و نەجەف و دیوانیە رەسێدە ٣٥ پلەی سیلیزی، و لە سلێمانی ٣٠ پلە، و لە کەرکوک و نەینەوا و سەڵاحەدین ٣٢ پلە، و لە کەربەلا و بابل و دیالە ٣٤ پلە، ولە بەسرە رەسێدە ٤٠ پلەی سیلیزی.
وتیش: سوو یەکشەممە، لە ناوچەی ناوڕاس رووشنە، و لە ناوچەی باکوور رووشنە تا نیمچە ئەورە، و لە ناوچەی باشوور رووشنە وەگەرد لەکە ئەوریگ، و پلەی گەرمی لە گشت وڵاتەگە نزیک رووژ وەرجە خوەیە.
دیاری کرد کە رووژ دووشەممە، لە ناوچەی ناوڕاس و باشوور رووشنە وەگەرد لەکە ئەوریگ، و لە ناوچەی باکوور نیمچە ئەورە تا ئەور تەواوە، و پلەی گەرمی لە ناوچەیل وڵاتەگە نزیک رووژ وەرجە خوەیە.
دەسەگە دیاری کرد کە رووژ سێشەممە، لە ناوچەی ناوڕاس نیمچە ئەورە، و لە ناوچەی باکوور نیمچە ئەورە وەگەرد دەرفەت نمە وارانیگ، و لە ناوچەی باشوور رووشنە وەگەرد لەکە ئەوریگ، و پلەی گەرمی لە گشت ناوچەیل وڵاتەگە نزیک رووژ وەرجە خوەیە.
دەسەگە وتیش؛ کەشوهەوای وڵاتەگە ئەرا رووژ چوارشەممەی ئایندە، لە ناوچەی ناوڕاس رووشنە، و لە ناوچەی باکوور نیمچە ئەورە، و لە ناوچەی باشوور رووشنە وەگەرد لەکە ئەوریگ، و پلەی گەرمی لە بەشەیل باکوور و باشوور نزیک رووژ وەرجە خوەیە، و لە ناوچەی ناوڕاس کەمیگ داوەزێد.
