کەشوهەوای عراق لە ئادار.. واران و داوەزین گەرمی
شەفەق نیوز/ شارەزایگ کەشناسی عراقی، ئمڕوو دوووشەممە، مەزەنە کرد لە سووەو واران بوارێد و تا کۆتایی ئی هەفتە وەردەوام بوود، و لە ناوڕاس هەفتەی ئایندە داوواە بوارێد، و باس داوەزین پلەی گەرمی کرد.
شارەزای کەشناسی عەلی جایر زیادی ئەرا ئاژانس شەفەق نیوز وت: وڵاتەگە چەوەڕی واران کەێد وەشیوەیگ پلەپلە و هەڕەمەکی لە ماوەی ٢٤ ساعەت ئایندە، لە خوار باشوور و بەشیگ لە ناوچەیل باکوور خوەرھەڵات.
زیادی وتیش: سوو چوارشەممە، وارانەگە گلەو خوەێد و لە شەوەکی پەنجشەممە قویلەو بوود و ناوچەیلیگ جیاجیا لە وڵاتەگە گرێدەو، و هاتێ لە بەشەیلیگ واران رفتیگ بوود وەتایبەت بەشەیل خوەرھەڵات لە رووژ پەنجشەممەی ئایندە.
زیادی وتیش: وارانیگتر کەفێدە ناوڕاس هەفتەی ئایندە رووژ ١٣ی ئادار، و تا ناوڕاس مانگەگە وەشیوەی بڕبڕ وەردەوامە.
دیاری کرد ک پلەی گەرمی داوەزین وەرچەویگ لە سوو سێشەممە وەخوەی دوینێد ک رەسێدە ٥ پلە داوەزین لەوەر رەدبوین پارچە وایگ لە خوەرئاوای وڵاتەگە هاتگە وەگەرد وای باکوور خوەرئاوایی، و ئمڕوو گەرمە و واگە گورجە و خوەڵوتووز هەڵسنێد.
