کەشوهەوای 48 ساعەت ئایندەی هەرێم کوردستان
2024-04-28T08:26:42+00:00
شەفەق نیوز/ وەڕێوەبەرایەتی کەشناسی و زەویلەرزەناسی هەرێم کوردستان، ئمڕوو یەکشەممە، کەشوهەوای 48 ساعەت ئایندە دیاریکرد.
کەشناسی لە بەیاننامەیگ رەسیە ئاژانس شەفەق نیوز راگەیان "ئمڕوو ئاسمان ساماڵ و لەکە ئەورە و تونی وا یەواشە و پلەی گەرمی نزیکە و لە بڕیگ ناوچە نزمترەو بوود لەچەو توومارەیل دویکە"، ئاشکەرایکرد "سوو دووشەممەئاسمان ساماڵ و لەکەئەورە لە ئیوارە ئاڵشتبوود ئەرا نیمەئەور و لە دیر وەخت شەو هاتێ نمە واران بوود لە بڕیگ ناوچە کویەسلەی سنووری و پلەی گەرمی کەمیگ بەرزترەو بوود".
بەرزترین پلەی گەرمی مەزەنەکریاگ وە پلەی سیلیزی:
هەولێر : 35
سلێمانی : 34
دهۆک : 35
زاخۆ : 36
هەڵەبجە : 35
کەرکوک : 39
سۆران : 33
حاجی ئۆمەران : 22
گەرمیان : 40
