کەشناسی عراق: لە چەن شاريگ پلەی گەرمی نزیکەوبوود لە 50 پلە
2024-08-11T07:19:48+00:00
شەفەق نیوز/ دەسەی کەشناسی عراق، ئمڕوو یەکشەممە، مەزەنەکرد پلەی گەرمی روی لە بەرزەوبوین کەێد و سوو لە چەن پارێزگایگ رەسێدە نیمەی پلەی کوڵیان.
دەسەگە راگەیان، سوو ئاسمان ساماڵە، و پلەی گەرمی لە ناوچەیل باکوور و ناوڕاس جویر ئمڕووە و لە باشوور کەمیگ بەرزەوبوود.
دیاریکرد، بەرزترین پلەی گەرمی لە پارێزگایل بەغداد، كەركوك، دیالە، نەینەوا و سەڵاحەدین 46 پلەس، ئەنبار و كەربەلا 47 پلە بوود، هەرچە پارێزگای میسان، نەجەف، زیقار، موسەننا و بەسرە رەسێدە 49 پلە.
وەپای مەزەنەیل کەشناسی، کەشوهەوای رووژ سێشەممە، وەهەمان شیوە ساماڵە و وپلەی گەرمی لە گشت عراق نزیکە لە رووژ دووشەممە.
باس لەوەش کرد رووژەیل چوارشەممە و پەنجشەممە پلەی گەرمی بەرزترەو بوود و ،وەگەرد بەرزەوبوین تەپوتووز لەناوچەیل ناوڕاس و باشوور.
