کەشناسی عراق...پلەی گەرمی بەرزەوبوود و لە رووژ جەژن واران وارێد
2023-04-17T09:01:48+00:00
شەفەق نیوز/ کەشناس محەمەد عەلی، ئمڕوو دووشەممە، مەزەنەکرد پلەی گەرمی بەرزەوبوود و لە رووژ پەنجشەممەی ئایندە رەسێدە لویتکە، و رووژەیل جەژن لە ناوچە جیاوازەیل واران وارێد.
عەلی لە پۆستیگ لەبان پەرەی فەیسبوک ک ئاژانس شەفەق نیوز نوڕیەی وەپی راگەیان، " کەشوهەوا جیگیرە و واران نیەوارێد و لە رووژەیل ئایندە، سێشەممە، چوارشەممە، پەنجشەممە، لە شارەیل ناوڕاس و باشوور عراق فرە گەرمەوبوود.
وتیش" وای سووکیگ باکور خوەرئاوا تیەێد وە توەنی سووکیگ تا مامناوەندیگ تونیەگەی رەسێدە 20 كم لە ساعەتیگ".
دیاریکرد" واران و گرمەهڕ ناوچە جیاوازەیل وڵاتەگە گرێد لە ماوەی رووژەیل جومعە و شەممە و یەکشەممە وە تایبەت ناوچەیل باکوور و خوەرئاوا لەماوەی پچڕپچڕیگ ک دیاریکردنی سەختە، لە رووژ پەنجشەممە وەدویاچگنی کریەێد.
وتیش" مەزەنەیل دیاریکەن لە نیمەی هەفتەی ئایندە وڵاتەگە کەشوهەوا بکەفێدە ژی کاریگەری داوەزین ناوڕاسیگ لە گورجیی و خریەێدە ژیر چەودێری".
