شماره‌يگ خوه‌ينيشانده‌ر زه‌خمدار بوين و بڕيگ خێمه‌ى مانگرتگه‌يليش له به‌غدا ئاگر دريان
شه‌فه‌ق نيوز/ كه‌سه‌يل فرياگوزار و شايه‌تحاڵه‌يل باس له‌وه كردن ده‌يان كه‌س له خوه‌ينشانده‌ره‌يل تويش سزيان و حاڵه‌ته‌يل ته‌نگه‌نه‌فه‌سى هاتنه بيجگه حاڵه‌ته‌يل زه‌خمدارى وه چه‌قوو له‌نزيك مه‌يدان ته‌حرير له‌ناوڕاس به‌غداى پايته‌خت هه‌ناى ك هيزه‌يل ئه‌منى پيشڕه‌وى كردنه وه‌ره‌و لايان و ئاگريش له خێمه‌يليان وه‌ردرياگه.
ئه‌و فرياگوزاره‌يل و شايه‌تحاڵه‌يله وتن: وه‌لاى كه‌مه‌و 23 كه‌س له خوه‌ينيشانده‌ره‌يل تويش حاڵه‌ت ته‌نگه‌نه‌فه‌سى سه‌ختيگ هاتنه له نزيك مه‌يدان خه‌ڵانى له‌وه‌ختيگ بۆمب غازى وه‌شرياگه وه‌ره‌و روييان له‌لايه‌ن هيزه‌يل دژه پشيوى له‌وه‌خت پيشڕه‌ويكردنيان وه‌ره‌و لاى خێمه‌ى مانگرتگه‌يل له ده‌ورگرد مه‌يدان ته‌حرير.
جى باسه، يه‌يش له‌وه‌ختيگه دويه‌شه‌و نيمه‌شه‌و هيزه‌يل دژه بشيوى پيشڕه‌وى كردن وه‌ره‌و مه‌يدان ته‌حرير ك شوون خوه‌ينيشانده‌ره‌يله له به‌غداى پايته‌خت و يه‌يش بويه هووكار سزيان خێمه‌ى مانگرتگه‌يل.
