سێ مليۆن دۆلار ئه‌را ئه‌وه‌گ زانيارى له‌بان"محه‌مه‌د خزه‌ير"بيه‌ێد
شه‌فه‌ق نيوز/ وڵاته‌يل يه‌كگرتگ ئه‌مريكا، ئاشكراى موكافئه‌يگ كرد وه بڕ سێ مليۆن دۆلار، ئه‌را هه‌ركه‌سيگ زانيارى له‌بان وه‌رپرسيگ له ريكخرياگ تيرۆريستى داعش بيه‌ێد، تا پيشكه‌ش وه دادگا بكريه‌ێد.
له‌ى باوه‌ته‌و، به‌رنامه‌ى "موكافئه له‌وه‌ر خاتر دادگه‌رى" سه‌ر وه وه‌زاره‌ت خارجيه‌ى ئه‌مريكى له به‌ياننامه‌يگ ك ئاژانس شه‌فه‌ق نيوز ئاگادارى بوێ، وت: ئه‌و كه‌سه ك مه‌به‌سمانه وه ڕه‌گه‌ز ئوردنيه وه‌ناو "ئه‌بو به‌كر ئه‌لغه‌ريب" ناوه راسكانيه‌گه‌يشى "محه‌مه‌د خزه‌ير مووسا ره‌مه‌زان"ه.
جى باسه، به‌ياننامه‌گه هه‌ميش وت: ره‌مه‌زان يه‌كيگه له گه‌ورا سه‌ركرده‌يل ريكخرياگ تيرۆريستى داعش و داعيه‌يگ بنه‌ڕه‌تى ريكخريايه‌گه‌س و خزمه‌ت فريه‌يگ وه ره‌سانن داعش كردگه‌و سه‌رپه‌رشى كردوه‌يل ره‌ساننكارانه‌ى رووژانه‌ى ئه‌و ريكخرياگه ئه‌كاو رۆڵ گه‌ورايگ ديرێد له بڵاوكردنه‌وه‌ى تون وتيژى.
