سودانی فەرمان زویکردن لە جیوەجیکردن پڕۆژەیل خزمەتگوزاری لە بەغداد پایتەخت دەێد
شەفەق نیوز/ محمد شياع سودانی سەرۆک وەزیرەیل، شەوەکی ئمڕوو پەنجشەممە، گردەوبوینیگ وەبوونەی زیوکردن پڕۆژەیلیگ خزمەتگوزاری لە شار بەغداد ئەنجام دا، و هەرلە پارێزگار بەغداد، ئەمیندار بەغداد، جیگر وەزارەت ئاوەدانی و نیشتەجیبوین و شارەوانی و کاروبار گشتی وەگەرد سەرۆک دەسەی راویژکارەیل ئامادەی بوین.
نویسینگەی راگەیانن سەرۆک ئەنجومەن وەزیرەیل لە بەیاننامەیگ وت: سودانی لە گردەوبوینەگە نووڕیە وەڕیەوچگن کار جیوەجیکردن پڕۆژەیل بەغداد، ولە نوایان پڕۆژەیل دەروازەیل بەغداد پایتەخت، و پڕۆژەیل ئاوەڕۆ و پڕۆژەیل ئامادەکردن جادەیل، وهەمیش ئاست جیوەجیکردن لە پڕۆژەی خەسەخانەیل.
سەرۆک ئەنجومەن وەزیرەیل فەرمان پەیاکردن میکانیزم زویکردن تەواوکردن پرۆژەیل و جیوەجیکردنیان دا، ئەرا پیشکەشکردن خزمەتگوزاری وە هاووڵاتییەیل، هەمیش رینما وە گرنگی پریاکردن چارەیل ئەرا پشتەسرنان گرفت و ریگریەیل وە شیوەیگ پیشەیی و زوی.
