سودانی سەردانەگەی ئەرا واشنتۆن وە دیدار وەرد کۆمەڵگەی عراقی دەسوەپی کەێد: وڵاتدان ئمڕوو جیاوازە

سودانی، لە ناو وتارەگەی ئەرا پێکهاتەی عراقی، کارکردن لەبان توێژینەوەیگ ئەرا دامەزرانن بەشیگ ئەرا کاروبار تاراوگەنشینەیل ڕاگەیان، وەخاتر رەسین وە پەیوەندیی کاریگەر وەرد پێکهاتە عراقییەیل لە جیهان، باس لەوەیش کرد کە حکومەت وەدویای بەهرەیل دویر لە بەشبەشەکی گەردێد.

 دیاری کرد کە سەردانەی ئەرا ئەمریکا گرنگە.  ئەرا ئاشکراکردن دیدگای حکومەتەگەی لەباوت شیوەی پەیوەندی وەرد ئەمەریکا، وتیش؛ "عراق ئمڕوو جیاوازە لەوەگ ساڵی 2014 بوی، چوینکە داعش دی رخیگ لەبان عراق دروس نیەکەێد، عراق ئمڕوو جی بووژانەوەی بیوینە، سەقامگیری، ئاسایش، گەشەپیدان ڕاستەقینە، و خزمەتگوزارییەیلە لە گشت بەشەیل وڵات."

سودانی لە قسەیلی وتیش: ئیمە خوازیمن لە دویای سەرکەفتن لەبان داعش بچیمنە پەیوەندییە دووانەیل وەرد وڵاتەیل هاوپەیمان ناودەوڵەتی، هاوشیوەی وڵاتەیل ناوچەگە، لەوانەیش پەیوەندییە ئەمنییەیل یەکەمین گردەوبوین دەسەی دامەزرێنەر کە لە ڕێککەفتن چوارچیوە دیاری کریاس وەڕیەو بچوود و گردەوبوین خولیی ئی دەسە بوود”.

 لەباوەت گرژییەیل ناوچەگە، سەرۆک وەزیرەیل عراق باس ئەوە کرد کە “ئیران وڵاتیگ هاوساس که بەرژەوەندی هاوبەش وەردی دیریمن و ئەمریکا هاوپەیمانیگ ستراتیجیه و پەیوەندییمان وەردی گرنگه”، وتیش  “پەیوەندی وەرد ئێران و ئەمریکا سوودیگە ئەرا عراق، و بایەسە ئەرا کەمکردن گرژی و ئاڵۆزییەیل وەکەڵک باێد و یەیش لە گشت رەوشەیل لە ناوچەگە رویدا”.