سزانن بارەگایل رەسێدە یانەیگ وەرزشی لە باشوور عراق.. وینە و ڤیدیۆ
شەفەق نیوز/ یانەی وەرزشی نەفت میسان، لە باشوور عراق، کەفتە وەر سزیان، ئەوەیش لەناو ئەو رویداوەیلە ک چەن پارێزگایگ و بەغداد پایتەخت وەخوەیان دوینن.
حەیدەر سەعەد راگەیانکار وەرزشی لە میسان ئەرا ئاژانس شەفەق نیوز وت: بارەگای یانەی نەفت میسان لە شار عمارە، لە ساعەت چوار شەفەق کەفتە وەر پەلاماریگ چەکدار، ک بویە هووکار سزیان بارەگاگە وە تەواوی و دیاری کرد ک چەکدادەیل پاسەوان بارەگاگە بردنە پشت یانەگە وە هەڕەشەی چەک.
وتیش: هیزە ئەمنیەیلە ئیسە لێکۆڵینەوە کەن.
وینەیل وپارچەیل ڤیدیۆ کەفتنە دەس ئاژانس شەفەق نیوز، نشان قسەیلیگ وەباڵای "شۆڕش عاشوورا" دەن، لە نشانەی ئەو خوەینشاندان و مانگردنە لەلایەن رەوت سەدر.
ئاژانس شەفەق نیوز، پەیوەندی وەرد ئیداریەیلیگ لە نەفت میسان کرد، کەسیگ وەڵام نەیا.
لە پەیوەندی وەگەرد یەکیگ لە کارمەنەیل یانەگە، دووپات کرد ک وەڵام نیەن چوینکە هویچیگ نیەزانن، و رخیان چوود وەڵامەگە تویشیان بارێد.
