سزای لەسێدارەداین تاوانباریگ کە ئەفسەریگ و موفەوزیگ لەوەخت جیوەجیکردن ئەرکەلیان کوشتیە
2026-03-25T09:08:52+00:00
شەفەق نیوز/ کەربەلا
دادگای تاوانەیل کەربەلا، ئمڕوو چوارشەممە، سزای لە سێدارەداین ئەرا تاوانباریگ دەرکرد کە ئەفسەریگ وە پلەی رائید و موفەوەزیگ لە بەش دژە تاوان پارێزگای کەربەلا کوشتوێد.
راگەیانن دادگاگە لە بەیاننامەیگ رەسیە ئاژانس شەفەق نیوز راگەیان، زیندانیەگە تەقە لە ئەفسەریگ و مفەوەزەگە کردیە هونای سەرقاڵ جیوەجیکردن ئەرک فەرمی بوینە ئەرا دەسگیرکردنی، چوینکە وە لایەن دادگا داواکریاوێد.
وتیش؛ سزای تاوانبارەگە وەپای سزایەیل مادەی چوارەم/1 و وە بەڵگەی مادەی دووەم/5 لە یاسای دژە تیرۆر شمارە 13 ساڵ 2005 دەرکریاس.
