سزای زیندانیکردن هەمیشەیی لەبان 4 بازرگان مادەی هووشبەر لە نەجەف و بابل
2024-03-10T11:30:51+00:00
شەفەق نیوز/ دادگای تاوانەیل نەجەف، سزای زیندانیکردن هەمیشەیی ئەرا دوو زیندانی دەرکرد وە تاوان بازرگانیکردن وە مادەی هووشبەر، وەپای راگەیانداگەی، ئمڕوو یەکشەممە، ئەنجومەن باڵا.
ناوەن راگەیانن ئەنجومەنەگە لە بەیانناموویگ راگەیان، "لە زیندانی یەکەم نیم کیلوگرام مادەی هووشبەر مەسیل ئەمیفیتامین گیریایە، وە دویەم مادەی هووشبەر گیریایە کە وە نیاز بازرگانیکردن وەپی و فروشتنی داشتیە لەناوەین وەکاربەرەیل".
وتیش "سزاگان وەپای بڕگەیل مادەی 28/یەکەم لە یاسای مادە هووشبەر و کاریگەری دەروینیەگان شمارە 50ی ساڵ 2017هاتیە".
دادگای تاوانەیل بابلیش دوو سزای زیندانیکردن هەمیشەیی دەرکرد ئەرا دوو بازرگان مادەی هووشبر وە تاوان بازرگانیکردن وە مادەی هووشبەر.
ناوەن راگەیانن ئەنجومەن باڵای دادگا لە بدویەم بەیاننامە راگەیان "زیندانیەیل بڕیگ گەپ لە حەب هووشبەر وەپیان بویە وەنیاز بازرگانیکردن و فروشتنی بوینە لەناو وەکارهاوەرەیل".
وتیش "سزاگان وەپای بڕگەیل مادەی 28/یەکەم لە یاسای مادە هووشبەر و کاریگەری دەروینیەگان شمارە 50ی ساڵ 2017هاتیە".
