سامانە ئاویەیلە دۊیای زەۊیلەرزەگە دڵنیایی لە بەنداو مووسڵ کەێد
2021-09-25T10:46:41+00:00
شەفەق نیوز/ وەزارەت سامانە ئاویەیلە، ئمڕوو شەممە، راگەیان سەردانکردنی کادرەیل بەنداو مووسڵ ئەرا دیوارەیل بەنداوەگە، ئەوەیش دۊیای ساعەتەیل کەمیگ لە زەۊیلەرزەگە ک وە تونی ٤،٣ پلە لەبان پەیمانەی دلریختەر داگە پارێزگای نەینەوا.
لە ساعەت ٢:٤٢ شەوەکی ئمڕوو شەممە، دەزگای رەوانگەی زەۊیلەرزە، لەرزەیگ وە تونی ٤،٣ لەبان پەیمانەی ریختەر لە ناحیەی زومار لە پارێزگای نەینەوا توومار کرد.
لەبان ئەوە زەۊیلەرزە، وەزارەت سامانە ئاویەیلە، وەگورەی بەیاننامەیگ رەسیە ئاژانس شەفەق نیوز وت: کادرەیل بەنداو مووسڵ ئامادەباشی ئەرا تاقیکردنەوە و ووردبینی و دووارە نووڕستن ئەرا دامەزراوەیل بەنداوەگە کردن.
وتیش؛ توێژینەوە لە خوەنستن ئامێرەیل هەسکردن کریاخ و هۊیچ چشت رخبەریگ لەناوی نەۊی.
