کەسیگ لە بەغداد وەخنکیاگی کوشیاگە و زەخمداریگ لە باشوور پایتەخت دینەو
شەفەق نیوز/ هێزیگ ئەمنی، ئمڕوو چوارشەممە، تەرم کەسیک نەناسریاگ لە خوەرهەڵات بەغداد دیەو، و چەکدارەیلیگ نەناسریاگ لە باکوور پایتەخت تەقە لە مەدەنیبگ کردن.
سەرچەوەیگ ئەمنی خەوەردا ئاژانس شەفەق نیوز ؛ ک هێزیگ ئەمنی لە ناوچەی حسێنیەی مەعامل لە خوەرهەڵات بەغداد تەرم پیاویگ دیەو وەخنکیاگی کوشیاگە.
سەرچەوەگە ئەرا ئاژانس شەفەق نیوز خەوەردار کریا لە تەرم کەسیگ نەناسریاگ لە میدان چووڵیگ، و رەسیە شوون رووداوەگە و لێکۆڵینەوە کردەو و تەرمەگە ئەرا پزشک دادوەری برد ئەرا ئاشکراکردن شناسنامەی و داین تەرمەگە وەدەس کەسوکارەیلی.
لە باکوور بەغداد پایتەخت، سەرچەوەگە ئاماژە کرد ک چەکدارەیلیگ نەناسریاگ لە تفەنگەیلیان تەقە وەرەو مەدەنییگ لە نزیک بانزینخانەی بێت فنجان لە ناوچەی حورییە کردن، ک بویە هووکار زەخمداربوین سەختیگی.
سەرچەوەگە وتیش؛ دەوریەی نزیکیگ لە شوون رووداوەگە رەسی ئەرا لێکۆڵینەوە و زەخمدارەگە بردە خەسەخانەی نزیکیگ
