سەرخوەشیگ ماڵ خویان تەقنێدەو و قورتارکردن دویتیگ لە مردن لە زیقار
شەفەق نیوز/ سەرچەوەیگ ئەمنی لە پارێزگای زیقار، ئمڕوو پەنجشەممە، خەوەردا لە تەقیان بومبیگ لەناو ماڵیگ و پویچەڵکردن تەقەڵایگ خوەیکوشتن دویەتیگ لە دوو رویداو جیا لە پارێزگاگە.
سەرچەوەگە وە ئاژانس شەفەق نیوز وت" دەزگای ئەمنی ئاگادارکریا لە هاوڵاتی سەرخوەشیگ هەڵسیایە وە تەقانن ماڵ خیزانەگەی لە یەکیگ لەناوچەیل غەراف لە پارێزگاگە ەە وەکارهاوردن بومبیگ دروسکریاگ، وە دویای گرفت خیزانی وەرد برا گەورەگەی، وتیش" تەقینەوەگە زەرد مادی وە ماڵەگە رەسانییە، تاوانبارەگە ئەرا شوین نادیاریگ هەراکردیە".
هەمان سەرچەوە دیاریکرد، " پسای تەقەلایگ خوەیکوشتن سەرنەکەفتی دویەتیگ توومارکریایە ک تەمەن بیس ساڵانە لەناو ماڵ خوەیان لە ناوڕاس شار ناسڕیە ناوەن پارێزگاگە".
سەرچەوەگە وتیش"دویتەگە ئەرا خوەیکوشتنەگەی بریگ دەرمان پزیشکی وەکارهاوردیە"، دیاریکرد، "هووکار خوەیکوشتنەگەی لەوەر گرفتیگ خیزانی بویە وەگەردیا".
