سەرچەوەیگ: پۊلدارکردن مووچەی خانەنشینە عراقییەیل ئەرا مانگ ئەیلول تا ئیسە وە بانکەیل نەڕەسیە
شەفەق نیوز - بەغداد
سەرچەوەیگ ئاگادار، ئمڕوو سێشەممە، خەوەردا کە پۊلدارکردن مووچەی خانەنشینە مەدەنی و سەربازییەیل ئەرا مانگ ئەیلول تا ئیسە لە وەزارەت دارایی عراقییەو نەڕەسیەسە بانکەیل، و ئەگەر دواخستن خەرجکردنی ئەرا سوو چوارشەممە یا دۊای سوو پەنجشەممە داگە، لە وەختیگ پرۆسەیل پۊلدارکردن و بەشکردن مووچەی فەرمانبەرەیل ئەرا مانگ ئاب وەردەوامن.
سەرچەوەگە لە قسەیلی ئەرا ئاژانس شەفەق نیوز وت کە "مووچەی فەرمانبەرەیل ئەرا مانگ ئاب تا ئیسە لە بەشەوکردن و پۊلدارکردن وەردەوامە، وەگەرد وەردەوامبۊن پرۆسەیل خەرجکردن لەناوەین وەزارەتەیل و فەرمانگە حکومییەیل".
دیاری کرد کە "بەشیگ لە وەزارەتەیل تا ئیسە وە شیوەیگ کووتایی مووچەی فەرمانبەرەیلیان ئەرا مانگ ئاب وەرنەگردنە"، دیاری کرد کە پرۆسەی خەرجکردن مووچەیل وە شیوەیگ پلە وە پلە وەڕیەو چوود وەپای تەواوکردن رێکارەیل پۊلدارکردن و هەواڵەکردن ئەرا بانکەیل.
سەرچەوەگە وتیش کە دۊاکەفتن پۊلدارکردن مووچەی خانەنشینەیل ئەرا مانگ ئەیلول گریەدارە وە تەواوکردن رێکارەیل و تەرخانکردنە داراییە خوازیاگەیل، و دووپات کرد کە وەخت کووتایی خەرجکردن تا ئیسە دیاری نەکریایە.
ئەوەیش هاوەخت وەگەرد چگن عراق ئەرا ناو مانگ ئەیلول تیەێد، لە وەختیگ کە خانەنشینەیل چەوڕی خەرجکردن مووچە نووەیلیان کەن، لە وەختیگ پرۆسەی خەرجکردن مووچەی فەرمانبەرەیل ئەرا مانگ ئاب وە شیوەیگ پلە وە پلە وەپای تەواوکردن رێکارەیل پۊلدارکردن وەردەوامە.
