زێبارى: ده‌س له‌كاركيشانه‌وه‌ى حه‌ريرى فشار زياتر ئه‌خاده بان عه‌بدولمه‌هدى
2019-10-29T19:33:39+00:00
شه‌فه‌ق نيوز/ هۆشيار زێبارى سه‌ركرده له پارت ديموكرات كوردستان، ده‌س له‌كاركيشانه‌وه‌ى سعه‌د حه‌ريرى سه‌رۆك وه‌زيره‌يل لوبنانى وه ئه‌وه تاريف كرد ك فشار زياتر ئه‌خاده بان عادل عه‌بدولمه‌هدى هاوتا عراقيه‌گه‌ێ تا هه‌مان كار هاوشيوه‌ى ئه‌نجام بيه‌ێد.
زێبارى له بڵاوكرياگيگ له‌بان ماڵپه‌ڕ كۆمه‌ڵايه‌تى تويته‌ر، وت: ده‌س له‌كاركيشانه‌وه‌ى حه‌ريرى له ئه‌نجام خوه‌ينيشانداينه‌يل گشتى شايه‌ت فشاريگ زياتر بخاده بان عه‌بدولمه‌هد ئه‌را ئه‌وه‌گ هه‌مان كار هاوشيوه‌ى ئه‌نجام بيه‌ێد.
زێبارى هه‌ميش وت: وه‌ل ئه‌وه‌يشا هه‌ردوگ حاڵه‌ته‌گه جياوازن و حكومه‌ت ناوه‌ندى هه‌وه‌جه وه ده‌رخستن زياتر هه‌وڵداين ديرێد له‌بان رويداگه‌يل عراق.
