زيقار.. پياويگ ته‌قه له خيزان هاوسه‌ره ته‌ڵاقدرياگه‌ى كرد كاره‌ساتيگ له‌لى كه‌فته‌وه
2020-05-20T19:58:28+00:00
شه‌فه‌ق نيوز/ سه‌رچه‌وه‌يگ ئه‌منى ئاشكراى ئه‌وه كرد پياويگ له پاريزگاى زيقار ته‌قه له خيزان هاوسه‌ره ته‌ڵاقدريايه‌گه‌ى كردگه‌و له‌ئه‌نجام ئه‌و كرده‌وه‌يشه 5 كه‌س له‌و خيزانه كوشتگه.
ئه‌و سه‌رچه‌وه ئه‌را ئاژانس شه‌فه‌ق نيوز وت: په‌نج كه‌س له يه‌ك خيزان له قه‌زاى ئسڵاح له پاريزگاى زيقار كوشيانه له‌ئه‌نجام ناكووكييگ خيزانى له‌ناونى پياويگ و خيزان هاوسه‌ره ته‌ڵاقدريايه‌گه‌ى.
باس له‌وه‌يش كرد ئه‌و پياوه ته‌قه له‌و خيزانه كردگه‌و 5 كه‌س له‌ليان كوشتگه‌و دوياخريش هه‌يوايه ئه‌را شوونيگ ناديار، وه‌بى ئاماژه‌كردن وه چوينێتى ئه‌و ناكووكييه له‌ناونى ئه‌و خيزانه‌يله.
