زەخمدارەیلیگ لەتەقینەوەیگ لەناو خەسەخانەیگ لە عراق
شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە زەخمداربوین بڕیگ ئەندازیار لەوەر تەقینەوەیگ لەناو خەسەخانەیگ حکومەتی لە پارێزگای واسیت، و وەرپرسیگ خۆجێی دیاری کرد ک زەخمەیل یەکیگیان سەختە.
سەرچەوەگە ئەرا ئاژانس شەفەق نیوز وت: نیمەڕو ئمڕو تەقینەوەیگ لە گاز سەردەوکردن تایبەت وەخەسەخانەی کەرامە لە شار کوت ناوەند پارێزگای واسیت بویەو، و بویە هووکار زەخمداربوین سێ کەس.
ودیاری کرد ک هێزیگ لە وەرگری شارستانی رەسیە خەسەخانەگە و کۆنتڕۆڵ رووداوەگە کرد.
لەلای خوەییش یاوەر وەڕێوبەر تەندروسی واسیت دکتۆر سەعدون ئەمیر ئەرا ئاژانس شەفەق نیوز وت: سیستەم ئۆکسجین سەردەوکەر خەسەخانەی کەرامە لە مەوقەی کارکردن ئەندازیارەیل تەقیەو، وبویە هووکار زەخمداری دووان لەلیان، یەکیگیان زەخمەگەی سەختە، ک سوزمانەگەی لە ٥٠% زیاترە.
و دیاری کرد ک زەخمدارەیل وەرەو خەسەخانەی زەهرا تایبەت وەسزانن بریان تا چارەسەری وەربگرن، وتیش: ئەوەسا دەسەیگ ئەرا چگن وەبندرس رووداوەگە دروس کریەێد.
