زەخمداری دوو مناڵ وە تەقینەوەیگ لە نەجەف و پەیاکردن تەرم گەنجیگ لە کەرکوک
شەفەق نیوز/ سەرچەوەیگ ئەمنی لە پارێزگای نەجەف، ئمڕوو یەکشەممە، خەوەردا لە تەقینەوەیگ لە ناوچەی بەحر نەجەف لەناوڕاس پارێزگاگە.
سەرچەوەگە ئەرا ئاژانس شەفەق نیوز وت: بومبیگ لە جیماگەیل چەنگەیل وەرین لە ناوچەی رەحبە لە بەحر نەجەف تەقییەو.
سەرچەوەگە دیاری کرد ک تەقینەوەگە زەخمدار دوو مناڵ کرد، و وەرەو نزیکترین بنکەی تەندروسی بریان.
هەرلیوا، وەچەودیەیلیگ و سەرچەوەیگ ئەمنی، ئمڕوو یەکشەممە، باس پەیاکردن تەرم گەنجیگ بیس ساڵان کردن لە ناوڕاس شار کەرکوک شۊن گولە وەپی بۊی.
وەگورەی سەرچەوەگە و وەچەودیەیلە ئەرا ئاژانس شەفەق نیوز؛ گەنجیگ وەناو (ا، ی، و) لە تەمەن بیس ساڵان، شەوەکی زۊی ئمڕوو لە نزیک کافتریای بابیلۆن لەشان بازاڕ عەرەفە لەناوڕاس کەرکوک تەرمەگەی پەیا کریا.
وتنیش؛ شۊن گولە لە سینەی بۊی، و هێزەیل پۆلیس وەرەو پزشک دادوەری بەردنەی.
