زەخمداری 6 کەس وە مەرافەیگ چەکداری لە بەغدا
2024-02-12T08:35:30+00:00
شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە زەخمداریبوین 6 کەس وە مەرافەی چەکداری لە دوو ناوچەی جیاواز لە بەغدای پایتەخت.
سەرچەوەگە وە ئاژانس شەفەق نیوز وت، "لە مەرافەیگ هووزانە تەقەکریاس و نارنجەک فڕەدریاس لەناوچەی تاڵبیە خوەرهەڵات بەغدا، لەئەنجام 3 کەس زەخمداربوین لە دەوروگەرد مەرافەگە و هووکارەگەی نەزانریایە".
وتیش، "هێزەیل ئەمنی رەسینەس شوین رویداوەگە و شمارەیگ کەس دەسگیرکردنە کە هووکار مەرافەگەن و زیندانیکریانە".
سەرچەوەگە دیاریکرد، "3 کەس کە قەوم و کەسوکار یەکن و یەکیگیان فەرمانبەرە لە وەزارەت نەفت وە کەرەستەیل تیژ و تەقەکردن دەسدرویژی کردنە وەبان سێ ماڵ وە مدوو وردەورد خێزانی لەناویان لەبان ژنیگ، لەناوچەی حسێنیە مەعامل لەئەنجام سێ کەس تویش زەخمداری جیاواز هاتنە".
سەرچەوەگە وتیش "هێزەیل ئەمنی رەسینەس شوین رویداوەگە 5 کەس دەسگیرکردنە".
