زیارتر لە یەک ملیار دۆلار...هەناردەیل شتومەک لە ماوەی نۆ مانگ لە پارێزگایگ ئیرانی ئەرا عراق

ئاژانس "فارس"ئیرانی نیمە فەرمی لە زوانی "عەباس زادە) راگەیاندیە،  بڕ شتومەکە هەناردەکریاگەیل لەئو ماوەیە رەسیەس ئەرا 5 ملیۆن  و495 هەزار و101 تەن لە شتومەک وە بڕ دووملیار و231 ملیۆن و112 هەزار و906 دۆلار.

وتیش، شتومەکەیلە لەری دوو دەروازی هشکایی 4 بازار سنووری هاوبەش وەرد عراق لەو پارێزگایە هەناردەکریانە، وتیش بڕ هەناردەیل شتومەک لەپارێزگای کرمانشانەو ئەرا عراق ساڵانە رەسێدە زیارتر لە 3 ملیار دۆلار و فرەیگی دروسکریاگەیل ئاسنین و سەوزەو میوە و وەرهەمەیل شیرەمەنیە.

دیاریکرد، 52 لەسەد لەو هەناردەیلە ئەراناوچە کوردیەیل چێد لەناو عراق و 48 لەسەدی ئەرا ئو ناوچەیلترەک لە عراق چێد.

وتیش، فرەی ئەو شتومەکەیلە لەو پارێزگایەی ئەرا عراق هەناردەکرێد بریتین لە: ئاسن، بەرهەمی ئاسن، سیرامیک، پۆرسەلین، سەوزە و میوە، سەنگ بیناسازی، شیرەمەنی و گشت جویرە بەرهەمیگ پلاستیکی و کەلوپەل یەکجار وەکارهاوردن.