روانگەیگ ژینگەیی لەماوەی ساڵ 2023 زیارتر لە 21 رویداو ئاگر لە عراق توومارکریایە
روانگەگە لە بەیاننامەیگ رەسیە ئاژانس شەفەق نیوز وت، "وەپای توومار و زانیاریەیل وەردەس وەڕێوەبەرایەتی وەرگیری شارستانی، شمارەی هیزگردن ئاگرەیلە لەماوەی ساڵ گوزەشتە لە بەغدا و پارێزگایلتر بیجگە لە هەرێم کوردستان رەسیەس ئەرا 21 هەزار و 24 ئاگر، کە لەناو چێشتخانە و بینا و دامودەزگایەیل ئەهلی و حکومی هیزگردیە، و زیاتریان لە بەغدای پایتەخت بوینە".
وتیش، "رویداوەگەی حەمدانیە لە پایزگای نەینەوا لە دیارترین و درویژە وەخترینیان بوی، لەدویایش ئاگرەگەی بازاڕ بەسڕە" ئاشکەرایکرد "لە دیارترین هووکار رویداوەیل هیزگردن ئاگر شۆرت کارەبایی و دەسکاریکردن مناڵ و جەنگەیل هووزانە بویە، وەرد پشتگوش خسن مەرجەیل سەلامەتی لە بینا و ماڵەیل".
وتیش "لەماوەی ساڵ 2023 وە رێژەی 21% داوەزیان توومارکردیە وە بەراورد وە 2022، وە مدوو هەڵمەتەیل هووشیاری و ئاگادارکردن لەری دەزگایەیل راگەیانن و تووڕەیل کۆمەلایەتی وەلایەن وەرگیری شارستانیەو".
