گەرمی و واران لە عراق یەکانگیرەو بوون و هوشداری درێد وە گەشتیارەیل و بڕیگ لە بیمارەیل
شەفەق نیوز/ بەش مەزەنەیل دەسەی کەشناسی و زەویلەرزەناسی، ئمڕوو چوارشەممە، مەزەنەی رەسین پەستان نزمیگ "خەماسینی" کەێد کە بوودە هووکار ناجیگیری کەشوهەوای عراق.
بەش مەزەنەیل لە دویا نووگەریەیل پسای کەشوهەوا راگەیاندیە، پەستانیگ نزم خوماسینی ئمڕوو کاریگەری وەبان کەشوهەوای میسر و شام دروسکەێد و سوو پەنجشەممە 1 ئایار رەسێدە عراق و کاریگەریەگەی تا رووژ جومعە و شەوەکی رووژ شەممە وەردەوامە.
ئاشکرایکرد، داوەزیانەگە بوودە مدوو چالاکی و گورجەبوین وای روکەشییگ، وەرد شەپولەیل تەپوتوز ناوڕاس تا خەسیگ کە ئاست نوڕین ئاسۆیی کەمەوکەن، وەرد بەرزەوبوین پلەی گەرمی هەمیش واران و بەڵاچە بوود گاجاریگ رفتەوبوود، وەرد وای گورجیگ و داوەزیان ئەور لە شوینەیلیگ دیاریکریاگ.
وەپای مەزەنەل هەمیش بوودە مدوو ناجیگیری کەشوهەوا و داواکەێد دویرەوبکەفن لە گەشتەیل هشکایی و دەریایی لە ئیوارەی رووژ پەنجشەممە تا شەوەکی شەمە، دیاریکرد بیمارەیل هاستیاری و تەنگەنەفەسەیل ئامادەکاری پێویست بکەن.
بەش مەزەنەیل دووپاتکرد، ناجیگیری وڵاتەگە وەردەوام بوود تا نیمەی هەفتەی ئایندە.
